اکھ وچ سَاجُھر پَھبّیا ای نٸیں
رات دا کُجُھڑ مُکیا ای نٸیں
بُھکِّھی دِیگر کَچھ کتاباں بُھونگ کے ہٹّناں
وقَت دی بے تکیاٸی وی ہاں تے
بے تُکا جیوُنڑ،
محَض پھٹِیک جوانی
آپنڑا آپ وِسَاری وتنا
شام نماشی جَھکُّڑ گھلداٸے
سوچ وچالوں لہو پیا ڈلداٸے
مُلَکھ دی انھی اکھ وی ڈاڈھی
دل، دنیا دی وکھ وی ڈاڈھی
بےہمتا ہویا علّی شاہ نمانڑا
کرے کی آغُز بُھکّھا بھانڑا
وریہاں دا بھوگ بھوگیندا وتنا
تٸیاں دی تاہنگ کریندا وتنا
اِکی فروری، پنجاب یونیورسٹی، لہور
