آلس دے مارے ہوٸے سورج
ہک بھواٹِل کتی توں پُچھیا
"اے پیڑاں دی کھادھی ہوٸی
تخلیق کیہدی اے؟
جہیڑی شہر دے گند دا
پلنگ بنڑا کے تے
بھکھی تقدیر دا سِرانڑا
سِر ہیٹھ لَے کے سُتی پٸی اے!!"
بھواٹِل کُتی سورج دی گَل نوں
آپنڑی کَوک دے رسے
نال پھاہ دتا تے
فٹ پاتھ تے لینڑ وار پٸے بندیاں وچوں
سنگدی سنگادی ہوٸی اگاں لگھ گٸی
سورج دھوں تے شور نال منہ دھوتا
فٹ پاتھ دے واسی پیڑاں سمیت جاگ بٸیٹھے
تے شہر وچ واویلا مچ گیا
