کیڑی بچڑے

اجڑے جند مکھیوا لگیا
کیڑی بچڑے سہکدے
مونہہ مٹھا کریئے
ڈھڈ بھاویں لتاں دی کھڑونجی اتے
دھریا رہ جائے
من پُرچّے
من ماکھیو ماکھیو کردا سر جے
ماکھیو بھاویں جیبھ نہ ٹھارے
تاہنگ چواتی
مارے ای مارے
اساں جیون جانم لوڑیندے
بھاویں جیون پنجرے ڈکیا رہ جائے
جانم چنگ چمکارے
اساں مادھو لعل توں ہارے
سینہ کُٹدے سِر پر جے ہتھ ہُندے پلّے
شاہ حسین دی جھولی ڈگدے۔۔ کیوں پر
دونہاں دے وچکارے گئے لتاڑے
دل آکھے سچیار تے کون
تھیئے وت ماڑے
اگانہہ پچھانہہ وچ مارے
اساں کیڑی بچڑے