جے دیش دی سُرَکھیا ایہو ہوندی ہے
کہ بے ضمیری زندگی لئی شرط بن جاوے
اکھ دی پُتلی چ 'جاں' توں بنا کوئی وی شبد
اشلیل ہووے
تے من بدکار گھڑیاں ساہمنے ڈنڈوت چ جُھکیا رہے
تاں سانوں دیش دی سُرَکھتا توں خطرہ ہے
اسیں تاں دیش نوں سمجھے ساں گھر ورگی پوِتّر شے
جیہدے وچ ہُسّڑ نہیں ہندا
منُوکھ ورھدے منیہاں دی گُونج وانگ گلیاں چِ ویہندا ہے
کنک دیاں بَلِیاں وانگ کھیتیں جھومدا ہے
اتے اسمان وی شالتا نوں ارتھ دیندا ہے
اسیں تاں دیش نوں سمجھے ساں جپّھی ورگے اک احساس دا ناں
اسیں تاں دیش نوں سمجھے ساں کم ورگا نشہ کوئی
اسیں تاں دیش نوں سمجھے ساں قربانی جیہی وفا
پر جے دیش
روح دی وگار دا کوئی کارخانہ ہے
پر جے دیش اُلّو بنن دا پریوگ گھر ہے
تاں سانوں اوس توں خطرہ ہے
جے دیش دا امن ایہو ہوندائے
کہ قرضے دے پہاڑاں توں رِڑھدیاں پتھراں وانگ ٹُٹدی رہے ہوند ساڈی
کہ تنخواہاں دے منہ تے تُھکدا رہے
قیمتاں دا بے شرم ہاسا
کہ اپنے لہو وچ نہاونا ہی تیرتھ دا پُن ہووے
تاں سانوں امن توں خطرہ ہے
جے دیش دی سُرَکھتا ایہو ہوندی ہے
کہ ہر ہڑتال نوں پھیہہ کے امن نوں رنگ چڑھنا ہے
کہ سورمگتی بس حداں تے مر پروان چڑھنی ہے
کلا دا پھل بس راجے دی کھڑکی وچ کِھڑنا ہے
عقل نے حکم دے کھوہے تے گڑکے دھرت سِنجنی ہے
کِرت نے راج محلاں دے دریں کھرکا ہی بننا ہے
تاں سانوں دیش دی سُرَکھتا توں خطرہ ہے
