ویہندی ندی دا پانی
دولت آنی جانی
ویکھ کے کلم کلّا
جھوکاں دیندے ہانی
وَیریاں نال صلاحواں
ساڈا دلبر جانی
سُولی تائیں چُمنا
دسنی سچ کہانی
جابر اگے کُونا
پھاہی گل وچ پانی
پُھلاں اُتے جوبن
ساون رُت سہانی
انھی مست جوانی
مُڑ کدی نہیں آنی
اکھوں اولھے ہو کے
در در پِھرے نمانی
بدل وانگوں ورھیا
اکھّاں وچوں پانی
کٹھیاں مُونہ مکالکاں
گجراتے دی رانی
راجا عمرا لمّی
کٹی نہیوں جانی
حوالہ: میں تن درد اولے، راجہ رسالو؛ سانجھ لاہور؛ صفحہ 71 ( ویکھو )
