بھارت وچوں جنگی قیدی واپس آون اُتے

آیا سوہنا سجن
راہواں تھیاں روشن

مُکے دُکھ تے الم
واراں تن من دھن

سنگیاں کرن بکھیڑے
سانول وڑیا اے ویہڑے

کردا گلڑے تے جھیڑے
ساڈا کھلدا اے من

آیا سوہنا سجن
گزریاں ہجر دیاں راتیں
گھر آئیاں نیں براتیں
محلیں ہلیاں نیں باتیں

ویڑھا نور فگن
آیا سوہنا سجن

ساکوں عید دیہاڑا
ملیا سانول پیارا

چڑھیا چن نیارا
گلیاں تھیاں روشن

مُکّے ہجر دیہاڑے
سانول موڑے مہاڑے

سارے مُکے نیں پاڑے
خوشی تھیا اے من

آیا سوہنا سجن
راہواں تھیاں روشن