بابا نانک سبھ دا مِیت
پیار دے تھاں تھاں گاوے گیت
اللہ والیاں دی ایہ رِیت
بابا نانک سبھ دا مِیت
الفت والا چولا پاکے
اپنے پرائے گل نال لا کے
ونڈی مِٹھی پریت
بابا نانک سبھ دا مِیت
پھڑ کے ونجھلی الفت والی
مہر وفا تے شفقت والی
گاوے مِٹھے گیت
بابا نانک سبھ دا مِیت
سچے سودے بابا کردا
سبھ دے دُکھڑے بابا جردا
پاک پوتر اوہدی نیت
بابا نانک سبھ دا مِیت
بابا نانک سبھ دا مِیت
حوالہ: میں تن درد اولے، راجہ رسالو؛ سانجھ لاہور؛ صفحہ 114 ( ویکھو )
