ڈیکھ نہ مینڈے اوگن ڈاہوں، تیرا نام ستاری دا
توں سُلطان سبھو کُجھ سردا
مالم ہے تینوں حال جِگر دا
تَیں کولوں کُجھ ناہیں پردا
پَھول نہ عیب وچاری دا
توں ہی عاقل تُوں ہی دانا
توں ہی میرا کر خصمانہ
جو کُجھ دِل میرے وِچ گزرے
تُوں محرم گل ساری دا
تُوں ہیں داتا، توں ہیں بھگتا
سبھ کجھ دیندا مُول نہ جھکدا
توں دریاؤ مہر دا ویہندا
مانگن قرب بھکھاری دا
ایہو عرض حُسین سُناوے
تیرا کِیتا میں من بھاوے
دُکھ درد کجھ نیڑے نہ آوے
ہر دم شکر گزاری دا
