اصل ول

سونا ہوئے
کہ ہووے چاندی
ہر شے ول اصل دے جاندی
سُنیا بندا
جنگل دا سی
جنگل دے وچ رہندا، بہندا
لڑدا، بھڑ دا
کھوہندا، کھہندا
ایس جنور نے
دھرتی اُتّے
چن، چکور دا سُفنا ڈِٹھا
چرخے والی اپنی کیتی
فیر کیہ بیتی؟
ایٹم گھڑیا
چن کیہ چڑھیا؟
مردا، پھردا
اپنے آپ آپ توں ڈر دا پھر دا
لُکدے چُھپدے
ایہ دن آئے
سارے ہاسے
ہوگئے ہائے
ہُن مِٹی نے
ہونا مِٹی
یاد کریندی خصماں پِٹّی
اوہو بندا
بے خصمانا
کہندا
میں ہو مِٹی جانا
مِٹی مِٹی دی ہے باندی
سونا ہوئے
کہ ہووے چاندی