ساڈے ساہ نیں کراہ
تے بُرا حال ہے
کیہ کہاں؟
کِس بلندی تے اقبال ہے؟
رات مُکدی نہیں
دن نکلدا نہیں
ماڑےہتھاں دا
کوئی زور چلدا نہیں
کس دعا بددعا آون دا
ایہے زور ہے
اک قیامت دے آون دا
ہن شور ہے
کیہڑے پیراں چ
کیڑی لتاڑی گئی؟
کیہڑے گھر توں
نہ تقدیر ماڑی گئی
کیہڑے مُل ایہ
حیاتی وِکے سوچ لو
ساڈی بولی کِتے وی
ٹکے سوچ لو
کوئی آوے بڑا جیہڑا
لج پال ہے
ساڈے ساہ نیں کراہ تے
بُرا حال ہے
حوالہ: واچھڑ، سلطان کھاروی، بزم مولا شاہ لاہور 2009؛ صفحہ 39 ( ویکھو )
