دِتی ہیر لکھائی کے ایہہ چِٹھی
رانجھے یار دے ہتھ لے جاء دینی
کِتے بیٹھ نویکلا سد ملُاں
ساری کھول کے بات سُنا دینی
ہتھ بنھ کے میریاں سجناں نوں
رو رو سلام دعا دینی
مر چُکیاں جان ہے نک اُتے
اِک وار جے دیدنا آ دینی
کھیڑے ہتھ نہ لاؤندے منجڑی نوں
ہتھ لائی کے گور وِچ پادینی
ککھ ہو رہیا غماں نال رانجھا
ایہا چننگ لے جائی کے لا دینی
میرا یار ہیں تاں میتھے پہنچ میاں
کن رانجھے دے ایتنی پا دینی
میری لئیں نشانڑی بانک چھلّا
رانجھے یار دے ہتھ لےجا دینی
وارثؔ شاہ میاں اوس کملڑے نوں
ڈھنگ، زُلف زنجیر دِی پا دینی
