اڈدی نئیں اسماناں اتے

اُڈدی نئیں اسماناں اُتّے اپنے آپ پتنگ
جِدے ہتھ چ ڈور اے تیری اوہدیاں خیراں منگ

مَیں ہسّاں تے یار بھتیرے، جے روواں تے کلّا
دُکھاں دے ٹاپو دے اندرکوئی نہ جاوے سنگ

غم جوانی نوں کھا جاوے، ہڈیاں ماس سُکاوے
پہلی بُوند چ پِھٹ جاندے نیں، چمکن والے رنگ

اے حیاتی اپنی ساری، روح تے بُت دا جھگڑا
رانجھا رانجھا کردی مر گئی, سَیدے یار دی مَنگ

کُوڑی دُنیا دے وِچ واصؔف سچی گلّ نہ کریے
سارے کُوڑے کٹّھے ہو کےدیندے سُولی ٹنگ