کنڈیاں نوں گلاب کی لکھنا

عبدالکریم قدسی

کنڈیاں نوں گُلاب کی لکھنا پانیاں نوں شراب کی لکھنا دین والا جے بےحساب دیوے خرچ دا مڑ حساب کی لکھنا جتّ گیا روند مار کے جیہڑا اُس نوں کامیاب کی لکھنا جو نہ بدلے غریب دی قسمت اوس نوں انقلاب کی لکھنا جیہڑا عزت غریب دی نا کرے اوہنوں عزت مآب کی لکھنا کالجے نوں نہ جیہڑی ہتھ پاوے اوس غزل دا جواب کی لکھنا جیہڑی تڑپا نہ دیوے قدسی نوں ایس طراں دی کتاب کی لکھنا

Share on: Facebook or Twitter
Read this poem in: Roman or Gurmukhi

عبدالکریم قدسی دی ہور شاعری