جد تکّ جاری میریاں ساہواں رہن گیاں
میرے دل نوں تیریاں تانگھاں رہن گیاں
اک وی شاخ دا پتا ہویا پیلا تے
خوف زدہ پھر ساریاں شاخاں رہن گیاں
تیری فطرت وچ وفا اے جد تیکر
میریاں سبھے سدھراں ہریاں رہن گیاں
اکھّ کُھلی تے ٹُٹ جاوے گا سُفنا، پر
سوچاں وچ تنہائیاں ڈبیاں رہن گیاں
بہِ جانا اے راہیاں تھکّ کے رستے وچ
منزل دے ول سڑکاں تریاں رہن گیاں
آغا کسراں صاف توں چہرے دیکھیں گا
جے کر تیریاں اکھاں بِھجیاں رہن گیاں
حوالہ: فکراں کد توں وڈیاں نے