ویہڑے 'چ اُگے
بوہڑ دے نکے بوٹے سنگ میں دِنے رات پیّاں باتاں پاواں
توں ایں ساڈے سپنے ورگا
جدھی تعبیر بڑی لمیری
کون مانے گا تیریاں ٹھنڈیاں چھاواں
نہ توں جانے نہ میں جانا
کیہڑا پنچھی نال تیرے رل گیت گائے گا
خزاواں تے رتّ بہار دے نغمے
ناں توں جانے نہ میں جانا
تیرے نکے پتراں وچّ دھڑک رہی ہے
آون والے کل دی چھاں
اکلاپے دی دھپّ دا لوہیا
اپنے کل نوں مان رہا میں ایس ہیٹھاں
ایہہ تاں تیتھوں لکیا نہیں ہے
سپنکار کئی اکھیاں
تیرے ورگے میرے ورگے سپنے ان رہیاں ہن
کجھ دینت ایہناں نوں کوہ رہے نے بھرے بازاریں
پر اوہناں دا وسّ نہ چلے
تیرے وانگوں جڑھاں ایہناں دیاں مٹی وچّ ہن
جُگاں جیڈیاں لمیاں
کوئی ایہناں نوں اکھاڑ نہیں سکدا
آخر مٹی کنا لہو جیر سکےگی
آخر مٹی بول پئی ہے
تیرے ورگا سپنا تکدیاں
میریاں اکھیاں
اک دن سوں جان گیاں
پر ایہہ سپنا جاگدا رہسی
توں ہوئینگا
میں ہووانگا
سبھ ہوونگے
