آکھے یار مہاراں تاں موڑاں گے نہ

آکھے یار مہاراں تاں موڑاں گے نہ
ٹٹا وصل دا شیشہ تاں جوڑاں گے نہ

تیری یاد سدا اے سینے اندر
اُس یاد توں دل نوں موڑاں گے نہ

بھاویں ملن گے تیرے توں لکھ سوہنے
ساتھ تیرا تے کدی وی چھوڑاں گے نہ

ایہہ عمر تاں ہجر چہ لنگ جاسی
درد اوس محبوب دا چھوڑاں گے نہ

تیرے حسن دی ہور مثال ناہیں
ہور مثل وی کوئی اساں لوڑاں گے نہ

سفنے اسیں جیہڑے رل مل ویکھے
مونہہ انہاں توں کدی موڑاں گے نہ

امجد جیس دے نال اساں ٹر پئے
دامن کدی وی اوس دا چھوڑاں گے نہ