رُوہے نی، رُوہے!
جس گُٹھے ساڈا سنگی وسدا
جا وسّیے اس جُوہے
رُوہے نی، رُوہے!
چھڈّ کے آپنی میں دا کلمہ
سی لیا پاٹا ہویا گلما
اکھیاں بھیڑ کے اندر ولّے
کھولھے دل دے بُوہے
رُوہے، نی رُوہے!
ہڈیں سیک اولّا رچیا
ناڑیں عشق دا بھامبڑ مچیا
اندر ساڑ سواہ کیتا اے
اساں کلے ہتھ نئیں لُوہے
رُوہے، نی رُوہے!
لکھّ بھاویں اساں پنگرے دسدے
دکھّ رتڑے بن ہنجھو رسدے
سانوں پھبدے کالے بانے
ساڈے تن ساوے، من سُوہے
رُوہے، نی رُوہے!
