شالا کِسے نوں اپنا یار بنا لیندے
دُکھ سُکھ اپنے کدے نہ کدے سُنا لیندے
بیٹھے کول رقیب نوں ویکھ کے سڑدے کیوں
اوہندے گھر دا بُوہے جے کھڑکا لیندے
اوہ چروکنا رُسیا، سانوں بُھل گیا
ایویں کملے کاں بنیرے آ لیندے
پنڈ دے لوکی پانی نوں اج سِکدے نیں
گبھرو ٹُٹیاں ٹنڈاں جے بدلا لیندے
تتی ریت دے جھکڑ کدے وی گُھلدے ناں
سسی سُتی نوں جے ہوت جگا لیندے
مرن توں پہلاں معافی شوکت منگنی سی
اللہ بخشے، چنگا سی، اکھوا لیندے
حوالہ: ڈونگھے سوتر، غلام فرید شوکت؛ ساہیوال پرنٹنگ پریس 1996؛ صفحہ 42 ( ویکھو )
