عبادت عشق دی کیتی مگر نفرت ملی مینوں
جویں بدنام ہوئے نام دی شہرت ملی مینوں
کدے وی بے خودی سوچنا ممکن نہیں ہویا
ادوں ہی ہوش وچ آیا جدوں فرصت ملی مینوں
تیاگاں کس طرح جذبے جو جیون بن گئے میرا
ایہہ گڑھتی وچ ہی ہے جاپدا فطرت ملی مینوں
نصیحت کیتی سی اس نے کہ اس توں دور ہو جاواں
بدل کے اپنا رستہ اوہی صورت ملی مینوں
اچانک دیر راتیں کھولیا دستک بنا بوہا
ہوا دے ویگ وانگوں لرزدی حسرت ملی مینوں
لطافت دل چ ہووے کس طرح؟ فطرت شکاری ہے
جدوں وی وار کیتا اوس نے طاقت ملی مینوں
حوالہ: گفتگو؛ سانجھ؛ صفحہ 32 ( ویکھو )
