چن سورج تاریاں نُوں نُور ونڈن والیا
موسی جہے پیغمبراں نوں طُور ونڈن والیا
تیرا سرناواں جہاناں لئی اے وڈا آسرا
چار کوٹیں رحمتاں بھرپور ونڈن والیا
جگ دے اِس گلشن دیاں مہکاں سبھے تیریاں
پُھل نوں مہکار لغریں بُور ونڈن والیا
واسطہ حسنین دا اُمت تے کر اپنی نظر
کربلا دے وچ عشق دا سندھور ونڈن والیا
پھر کوئی دُکھیا بلال اے منتظر، کوئی اویس
پیار دی سوغات نیڑے، دُور ونڈن والیا
عشق تیرا رچ کے ہڈیں ساہواں وچوں بولیا
سالکاں نوں سرمد و منصور ونڈن والیا
تیری کملی نے حسؔن دے عیب کجے نے سدا
عدل دا، انصاف دا دستور ونڈن والیا
حوالہ: نیتی عشق نماز، حسن ملک؛ سانجھ لاہور 2009؛ صفحہ 17 ( ویکھو )
