جگ دے اندر پیا سکون دا کال جہا

جگ دے اندر پیا سکون دا کال جہا
لگدا اے ہر اک بندہ کُھنجے بال جہا

ہر سینے وچ دھڑکو لایا ویلے نے
ہر اک چہرہ جاپے اک سوال جہا

اج وی رتاں اپنا رنگ پرتایا نئیں
اج وی موسم لگدا اے پچھلے سال جہا

اس دے سینے دے وچ ات ہنیرا سی
جس دا چہرہ ہے سی اک مثال جہا

جے نہ رکھے یاد حوالے ماضی دے
مستقبل وی ہونا اے ساڈا حال جہا

منڈی دے وچ آکے کِسے بپاری نوں
دُوجا مال نئیں لگدا اپنے مال جہا

جیہڑا وی دُوجے دا درد ونڈاندا اے
سمجھو اوہنوں غوث قطب ابدال جہا

اقبال شیدا دی ہور شاعری

• ⟩  آن دا وعدہ تے کیتا پر نہ آیا جان کے
• ⟩  اوہدے در تک رسائی ہو گئی اے
• ⟩  اپنی گل توں آپے ای رَد کردا ایں
• ⟩  اینے ہولے ہو گئے غیر نگاہواں وچ
• ⟩  ایہ کالیاں زلفاں نیں یاں شام خدا جانے
• ⟩  جفا اوہدی جے کدھرے عام ہووے
• ⟩  جگ دے اندر پیا سکون دا کال جہا
• ⟩  جیہڑے مُکھڑے آجاندے نیں خواباں وچ
• ⟩  حمد باری تعالی
• ⟩  سوچاں نوں زنگار نے کھاہدا جذبے پتھر ہو گئے نیں
• ⟩  اقبال شیدا دی ساری شاعری