تیری رام کہانی دا اے اکو حلّ خورے تیرے دل وچ لہہ جائے میری گلّ جیہڑی پیلی دے وچ واہندا جیہڑا ہل، اوہو ای مالک اوہدا اوہو کھاوے پھل تاں ای دنیا دے وچ ساڈا ناں ہووےگا، محنت نال گزاراں گے جد اک اک پل جنت دوزخ سبھ عملاں دا سِٹّہ لوکو، عملاں نال ای اوکھے ویلے جاندے ٹل کہندے ہین سیانے اوہ برباد اے ہویا، جس دا اج توں چنگا نہیں آؤن آلا کل پچھے رہِ جاندے دا بھیڑا حال اے ہندا، بھجدی جاندی دنیا دے نال بھجّ کے رل نیت نیک ہووے تے کیہڑا کم نہیں ہندا، کریئے تے ہر کم دا آ جاندا اے ول عشقَ دا پینڈا مکدا مکدا وی نہیں مکدا، ٹردے جائیے بھاویں پیر ہو جاون سلّ نام 'جنید اکرم' دیاں مولٰی عزتاں رکھیں، میرا ناں ای بن جائے ربا میری اَلّ
