مریا ہویا دن

مریا ہویا دن وی دن ہی ہوندا ہے
اپنے آپ سیاپے کردا آپ دھروندا ہے
اپنی گور چ اپنے آپ نوں گرزاں مارے
آپے بُک بُک روندا ہے

روز پچھاتے راہیں ٹردا جیویں پندھ پردیساں دے
آؤن جاون والیاں بٹ بٹ تکدا ہے
ایہہ تے اپنے ہی گھر اندر غیراں وانگوں جھکدا ہے
اس نوں پھل کپاہ جیہے ہاسے سنندے نہیں

گندلاں ورگے جثے اس نوں موہندے نہیں
سکے ٹک جیہے دن خالی ڈھڈیں مکڑ جالے نیں
مرے ہوئے دن
بھریاں ڈھڈاں اندر کنج سنبھالے نیں