ویلے ثابت کیتا اوہ تے جھلا سی
ساری رات اوہ بجلی دے کھمبے دے تھلے
حسن چبارہ تک تک روندا جاندا
سدا اکلا سی
کدے مسیتے حجرے بہندا، سائیکل اتے سڑکاں گاہندا
پل پل نویں کہانیاں گھڑدا رہندا سی
اوہناں دے اک اک پاتر سنگ اوہ
ہسدا، کھیڈدا، جیوندا مردا رہندا سی
گلیاں اندر ہو کے دے دے
سب زنگالے بھانڈے قلعی کریندا سی
نکیاں عمریں بڈھڑے ہوندے
بندے نویں بنیدا سی
کچیاں پکیاں لگیاں، سدا نبھیندا
توڑ چڑھیندا، جان وکیندا سی
عاشق تے وریام دی قبر اڈیکن والے
قصے نوں دہریندا سی
