اوکاڑہ ملٹری فارم

سوہنی دھرتی ساڈی ماں سب توں اُچا تیرا ناں
دینی ایں توں سانوں دانے رنگ برنگے پکن کھانے
تیرا زیور رکھ ہریالی مٹی تیری بھاگاں والی
پر اساں نہ تیری قدر پچھانی جد وی ٹر گئے تیرے ہانی
ٹالی چھڈ سفیدا لا کے پانی دے وچ زہر ملا کے
راکھے تیرے بن گئے ڈاکو سچی گل توں مارن چاقو
کون اے ایتھے پچھن والا وڈے چوہدری دا افسر سالا
دھرتی ساڈی دا رکھوالا کساناں نوں دیس نکالا
ایہہ نیں رب سچے دے کم ملاں کہندا مینوں من

افسر ساڈے بہے جوان فتح کیتا نیں پاکستان
مزارے لگے ہُن مکان گولیاں نال زمین چھڈان
کوئی نئیں سُندا کتھے رویے آؤ اسیں وی کٹھیاں ہوئیے
گل کشفی دی سُنو بھراؤ آپے بیجو آپے کھاؤ

اپنے جھگڑے آپ مکاؤ ویریاں کولوں چنڈ چھڑاؤ
گھر اپنے نوں کرو آباد چوکیدار نوں دیو جواب
زندہ رہنا ایں اساں تاں سوہنی دھرتی سب دی ماں

سب توں اُچا تیرا ناں