میں شوہ وچ ڈُبدی تردی آں
ایہہ سوال ربا اج کردی آں
جِند وانگ مُر ونڈے بھر دی آں
پیراں دی مٹی کُھر دی اے
دھیاں دے کے آپ توں ظلم کیتا
اساں جم کے کیہڑا جرم کیتا
نہ جمن تے جیہناں ویر کمائے
پت اوہناں دی جھولی توں پائے
اوہناں دیاں بیڑیاں تاریاں نیں
مہنے مار جیہناں نوہاں ماریاں نیں
مینوں لبھے نہ جین دی راہ کوئی
آوے سُکھ دا نہ ایتھے ساہ کوئی
چلے تیرے تے میرا وَس کوئی نہ
مینوں جنت دی راہ ہُن دس کوئی نہ
رکھ لئیں گا جے تینوں موڑ دیاں
دِھیاں دب دیاں یا روڑھ دیاں
اج شوہ وچ ڈُبدی تر دی آں
ایہہ سوال میں تیتھوں کردی آں
