ماں بولی

میں گج کے بولی چکنی
میرے گدا پاوندے پیر

میں ککلی پاونی ویر وے
تیری پگ دی منگ کے خیر

میں وچ ترنجناں کُوکنا
پا سارے جگ نال ویر

میں چرخے کت کے پونیاں
بھراں چھکو شکر دوپہر

سانوں ہُن سمجھاں نیں لگیاں
کیہ ڈھائیا اسی ایہہ قہر

ساڈی جِیبھ تے گلاں مِٹھیاں
ساڈے اندر بھریا زہر

اسی اپنی رہتل بُھل کے
تے آپ کمایا ویر

اسیں اوبھڑ بولی بولدے
تے ماں بولی نال ویر

اُٹھ ماں بولی دیا راکھیا
تیری ساہ ساہ منگاں خیر