آپے گُندھیں آپے چاک تے مٹی چاڑھیں
آپے فیر توں شکل اساریں
ادھے کچے بھن کے کجھ توں
رہندیا نوں جا دُھپے پاویں
دُھپ تے چھاں دی کھیڈ رچا کے
اندروں باہروں اگّاں لاویں
بھانبڑ بال کے خوب پکاویں
ساہواں اندر دھونی لا کے
مٹی اندر مچ مچا کے
ساڈے اندر اگّاں لا کے
اُتوں سوہنے پُھل سجاویں
اُچی تھاں تے آپ لجاویں
سوہنے جیہے شوکیس وچ لا کے
چوکھا سارا مُل پوا کے
کجھ دن ساڈی قدر بنا کے
فیر توں اپنی موج اِچ آ کے
اپنے ہتھیں بھن دینا ایں
ایہہ کیہ سوہنیا کر دینا ایں
