اک دوجے دے اندر وسیّے
رل کے ہسیے
میری اکھ دا بدل بن کے
میرے اندر وسیا ہوویں
میری پریت نوں ویکھ کے اینا
کِھڑ کِھڑ چر تائیں ہسیا ہوویں
میں تینوں ایہہ رو کے آکھاں
آ جا دوویں رل کے ہسیے
اک دُوجے دے اندر وسیّے
جد وی مینوں واج توں لاویں
اپنے اندر جھاتی پاویں
تیرے دل دے بُوہے اولے
اکھاں میٹ کے بیٹھی ہوواں
تیرے مینوں لبھ لون تے
رل کے ہسیے
اک دوجے دے اندر وسیّے
آ جگنو دے پِچھے نسیے
عقش دے جال چ جان کے پھسیے
پُھل گلاب دا توڑیے مِل کے
کنڈیاں توں فیر رل کے بچیے
جیہڑی گلاں کوئی نہ سمجھے
اک دُوجے نوں اوہ بس دسیّے
رل کے ہسیے
اک دوجے دے اندر وسیّے
