حق وی دیون بھیک طراں انساناں نوں
سمجھے نئیں اوہ ٹھیک طراں انساناں نوں
ننگیاں کر چھڈیا اے دور ترقی دے
غاراں دے وسنیک طراں انساں نوں
میریاں غزلاں دا ہر مصرعہ جاپے گا
مظلوماں دی چیک طراں انساناں نوں
واہ چھڈیا اے قادر درد سمندر وچ
باقی اُتے لیک طراں انساناں نوں
راس نئیں آئے خود غرضی دے جنگل وچ
پیار دے موسم ٹھیک طراں انساناں نوں
.....................
کتاب: تیرا ہجر گلاب جیہا
صفحہ: 37
حوالہ: تیرا ہجر گلاب جیہا، نصیر بلوچ؛ مجلس پنجابی ادب فیصل آباد؛ صفحہ 37 ( ویکھو )
