گھر دا نقشا لگیا اے کوئی ہور جہیا
ویڑھے دے وچ نچیا اے کوئی مور جہیا
اوہدِیاں پُٹھیاں سِدھیاں چالاں دسدیاں نیں
من وچ اوہدے وسیا اے کوئی چور جہیا
دنیا کملی ہوئی جس دے ویکھن نُوں
سانوں تے اوہ لگیا اے کوئی بور جہیا
چپّا چپّا دھرتی گاہ کے ویکھ لئی
سونہ رب دی نہیں لبھیا کوئی لاہور جہیا
جس دے پِچھے جرم گوایا راجے نے
اوہنوں تے اوہ لگیا اے کوئی ہور جہیا
حوالہ: میں تن درد اولے، راجہ رسالو؛ سانجھ لاہور؛ صفحہ 76 ( ویکھو )
