ساون بدل ورھدا اے
دل کیوں ہوکے بھردا اے
ایویں گلاں کردا اے
کون کسے تے مردا اے
جان تلی تے دھردا اے
سچی گل جو کردا اے
آپ جے ہمت ہارے، تاں
بندا لیکھوں ہردا اے
پیار تیرے دا ڈنگیا دل
جیندا اے نہ مردا اے
اوہنے پیار نبھانا کیہ؟
جیہڑا بندا زر دا اے
خورے کد تک تگے دل؟
اجے تے پیڑاں جردا اے
باہر دے لکھاں سُکھاں توں
دُکھ وی چنگا گھر دا اے
دل دی ہمت ویکھ ذرا
درد سمندر تردا اے
شاہد دی تے عادت اے
دُکھ وی ہس کے جردا اے
حوالہ: گُونگیاں چیکاں؛ البرکت پبلشرز؛ صفحہ 37 ( ویکھو )
