کیہ دساں میں عشق میدان کیوں ہار گیا
میرے دسے داء اوہ مینوں ای مار گیا
نیڑے لیاون آیا سی اوہ روحاں نوں
نفرت دی وچکار اک کندھ اُسار گیا
کِنھی تانگھ سی سیت سمے وچ سورج دی
چڑھیا تاں پہلے توں بہتا ٹھار گیا
جیون دریا ٹِھلنا یارو سوکھا نہیں
پَرت نہ سکیا جیہڑا پرلے پار گیا
کیہ ہویا جے توں نہیں پجنوں وعدے تے
ساڈا کیہ اے تیرا ای اعتبار گیا
درد دی اک وی پونی دل نے کتی نہیں
شاہد جی دن اج دا وی بے کار گیا
حوالہ: گُونگیاں چیکاں؛ البرکت پبلشرز؛ صفحہ 28 ( ویکھو )
