اکھاں کیہ نیں، لہراں نیں
موت کیہ خیر منگن آندی میرے گھر
بے ضمیر اِٹاں رہندیاں میرے گھر
ویکھاں تے فیر ویکھدی جاواں لہو دے ننگے پیر
اکھاں کیہ نیں، لہراں نیں
من مُک جاوے تے انسان کِنا سنسان ہو جاندا اے
ویکھاں کیہ
اکھاں کیہ نیں، لہراں نیں
لہو دی ٹاکی چادر واسطے کافی نہیں ہوندی
پیر ننگے رہ جاندے نیں
بُھکھ ننگی رہ جاندی اے
اکھ ننگی رہ جاندی اے
اکھاں کیہ نیں، لہراں نیں
علم کما کے دل کیوں رویا
ہور اکھاں توں راز وی کھویا
اکھاں کیہ نیں، لہراں نیں
وقت، ندامت میرا ماس پئے کھاندے نیں
تے موت وی پتہ نہیں کدوں گھر آوے گی
دیوے دی چھاں بُجھ وی گئی
تے کونج اپنی چھاں لے کے اُڈ وی گئی
