اُٹھی صحرا کوں جُل دِلڑی چمن ساکوں نی راس آیا
اوہو پردیس چنگاں ہا وطن ساکوں نی راس آیا
ڈُکھاں درداں توں لَڑ لَڑ کے مَسیں تاں جنگ جِیتی ہئی
امن دی آس پُج گئی پر امن ساکوں نی راس آیا
اساں ویہڑا سجایا ہا جو دُنیا نال رَل بہسوں
سجاوٹ بعد مکریا گے صحن ساکوں نی راس آیا
جے کھلدے ہَیں جگر پھٹدے جے روندے ہَیں تاں جگ کِھلدے
گزر اوقات دا کوئی وی فن ساکوں نی راس آیا
او جیندی گول و،چ شاکر حیاتی گال چھوڑی ہے
ملیے تاں مِل کے لحظہ خن وی چن ساکوں نی راس آیا
حوالہ: کلیاتِ شاکر، گفتگو پبلی کیشنز اسلام آباد؛ صفحہ 62 ( ویکھو )
