کلر جوہ نوں چھوڑ کے باگیں
لگنا راس نہ آیا
بُوٹا پھل پُھل کے پچھتایا
لغراں پال وبال بنائیاں
آپے لک تڑوایا
بُوٹا پھل پُھل کے پچھتایا
جی جی توں جھوٹے اکھوائے
جھوٹ نہ بولنا آیا
بُوٹا پھل پُھل کے پچھتایا
نہریں پانی دے دریا نے
اپنا آپ مکایا
بُوٹا پھل پُھل کے پچھتایا
بُھکھ وچھا کے ننگ تان لیا
اِنج سیال لنگھایا
بُوٹا پھل پُھل کے پچھتایا
آپوں بلدی دُھپ چ سڑیا
دُوجیاں مانی چھایا
بُوٹا پھل پُھل کے پچھتایا
حوالہ: کوئی اندروں در کھڑکاوے، صفحہ 62 ( ویکھو )
