وعدا کرکے بُھلّ گیا ایں لکھیا میں دل اتے دیکھ
کئی بہاراں بیت گئیاں آویں گا کہڑی رُتے دیکھ
ہسن جوانی باغ بہاراں جو کجھ وی توں منگیا سی
اک اک کرکے پورے ہو گئے تیرے سارے بتے دیکھ
آپنی آپنی منزل دے ول ہر کوئی ٹریا جاندا اے
راہ جنھاں نوں یاد سی راہواں دے وچ رہِ گئے ستے دیکھ
آپنے عیب چھپاون دے لئی جہڑی جوہے جاواں میں
لبھّ لیندے نے ازل دے ڈھگے ساہواں دے سنگ جتے دیکھ
کندھاں دے نال گلاں کر کر صدف گزاری ساری رات
اک اک ہنجھو کٹھا کرکے ہجر دے ہار پرتے دیکھ
