آؤندیاں رہندیاں خبراں نِت اخباراں وچ
زن دے ہتھوں پین تریڑاں یاراں وچ
جیہدے کول وی بہیے دُکھڑے روندا اے
دل نوں چین نہیں ملدا ہُن درباراں وچ
کسے دے کہن تے ہریے چنگا لگدا اے
جتن نالوں بوہتا مزا اے ہاراں وچ
اوہدی چیک کنّاں نوں انج چیرے پئی
بولدا کوئی وڑ کے جویں میناراں وچ
کدوں سی غصہ کیتا ہُن پچھتاؤنے آں
بڑا مزا سی آؤندا ماں دیاں ماراں وچ
لبھے دولت نال ملےامیراں نوں
مُل جے ملدا ہندا پیار بزاراں وچ
میریاں نظراں نال جے ویکھیں آوے گا
نظری تینوں طاہر ویکھ ہزاراں وچ
