کیہڑی گلوں رُس کے ٹُر پے، کیہ ہویا سرکاراں نوں
کیس بہانے روک لواں میں، جاندے پے دلداراں نوں
جیہڑی رُتے سجن آئے، نہ پُھل سی نہ کلیاں
کاغذ دے کجھ پُھل بنا کے دِتی واج بہاراں نوں
جھوٹھے رسم رواجاں نے کجھ اینے ساڑے پائے نیں
مدت ہوئی اے ہسدے ہوئے، ڈٹھا نہیں فنکاراں نوں
کیہڑا کیہڑا حق اے کھاندا، جگ دے اُتے کنہاں دا
گوہ دے نال توں فجرے اُٹھ کے، پڑھ لیا کر اخباراں نوں
بُڈھے باپ دی مجبوری نے، یا کہ رسم رواجاں نے
ڈونگھی سوچے کنہے پایا، طاہر دس مٹیاراں نوں
