یاد بنیرے بال کے رکھے، جو چاواں دے دیوے

یاد بنیرے بال کے رکھے، جو چاواں دے دیوے
وچّ اڈیکاں بجھ نا جاون، اوہ ساہواں دے دیوے

گھور ہنھیرے جھکھڑاں وچ وی، رتا نا ڈولن دتے
ہجر تیرے وچ سامبھ کے رکھے، میں راہواں دے دیوے

وچ پردیساں میرے کول تے ایہو نے سرمایہ
نفرت نال نا نمے ہونے، ایہہ ہاواں دے دیوے

سفراں تے جد پتر تورن، دے کے نگھّ دواواں
راہواں دے وچ چانن کردے، ہتھ ماواں دے دیوے

دور دے پاندھی، بھلّ نا جاون اکرم نینہ دی کلی
تاریاں تھیں پئے گلاں کردے، صحراواں دے دیوے