سَدھراں جِس دَم وانگ شرِیکاں لڑ پئیاں

انجم رانا

سَدھراں جِس دَم وانگ شرِیکاں لڑ پئیاں
میریاں اکھیاں نال اُڈِیکاں لڑ پئیاں

روز گھتیرے واہندا ساں کلنڈر تے
آخر میرے نال ترِیکاں لڑ پئیاں

ظالم ایں اوہ جیہڑا ظلم پچاندا اے
چُپ دے بُلھیں آ کے چِیکاں لڑ پئیاں

بھورا جِناں میں کیہ نابر ہویا واں
دَھکو دَھکی تلیاں لِیکاں لڑ پئیاں

انجمؔ وارے جاں میں تیرے عشقے توں
صبر پیالے جمیاں ڈِیکاں لڑ پئیاں

Read this poem in Roman or ਗੁਰਮੁਖੀ

انجم رانا دی ہور شاعری