پیار دا ہونا
سوکھی گل نہیں
کیہڑا بندہ بھج کے کر لیندا اے
ایہہ کوئی گھر دا تھڑیا سودا نہیں
جو جا بازاروں لئیے
بختاں تے مقدراں دی گل اے
جیکر گزریاں نسلاں دِیاں حیاتیاں نوں
اسیں بہہ پھرولئیے
کتنے سن جو اپنی زندگی دے وچ
پیار دی بیڑی ٹِھلے
کجھ نُوڑے ہوئے ڈھگے
کجھ کھوہ وچ جمے پپل
تے کجھ چھڑے ویہاڑ وپار
پیار دے ہونے دے رونے توں
گل دُوجی ودھ گئی
کہ جیکر بندہ پیار کرے تے
اوہدا دل کردا اے آکھے
پر مینوں ڈر اے
جیکر میں اوہنوں ایہہ آکھیا
میں تینوں پیار کردا آں
اس دے کناں دے فلٹر چوں
میرے سارے ورتے ہوئے
پیار کرن دے اکھر
آٹے دے چھان دے وانگوں
چھانے جانے
پیار کرن دے لفظاں دی ورتوں انج ای اے
جیویں ڈھور جگالی کردے
حوالہ: پیار مارکیٹ؛ ( ویکھو )
