تیری یاد نوں سینے لا کے رکھاں گے پیار دے سوہنے لاڈ لڈا کے رکھاں گے ول چھل کھاندی اپنی سوہنی قسمت دے پچھے پچھے پیر ٹکا کے رکھاں گے میرے چنا! تیریاں وچ اُڈیکاں دے شام سویرے روز سجا کے رکھاں گے لوکاں دے نال بھریاں پنڈاں شہراں نوں تیرے باجھوں بُھل بُھلا کے رکھاں گے ہجر وچھوڑے دتے جیہڑے ہنجو نیں موتی پلکاں تیک سجا کے رکھاں گے تیرے رنگ وچ رنگ کے دل دنیا نوں اپنے پیار دی شان ودھا کے رکھاں گے چاواں وچوں سوہنا چا بشارت دا ایہنوں دل دے شہر وسا کے رکھاں گے (۲۰۱۲)
