عشق دی نویوں نویں بہار جاں میں سبق عشق دا پڑھیا مسجد کولوں جیوڑا ڈریا پُچھ پُچھ ٹھاکر دوارے وڑیا جِتھے وجدے ناد ہزار عشق دی نویوں نویں بہار وید قرآناں پڑھ پڑھ تھکّے سجدے کر دیاں گھس گئے متھّے نہ رب تیرتھ، نہ رب مکّے جِس پایا تِس نُور انوار عشق دی نویوں نویں بہار پُھوک مصلّے، بھن سُٹ لوٹا نہ پھڑ تسبیح، عاصا، سوٹا عاشق کہندے دے دے ہوکا ترک حلالوں، کھاہ مُردار عشق دی نویوں نویں بہار ہیر رانجھے دے ہو گئے میلے بُھلّی ہیر ڈھونڈیندی بیلے رانجھن یار بغل وِچ کھیلے سُرت نہ رہیا، سُرت سنبھار عشق دی نویوں نویں بہار
