جد کسے ایس دور دے قصے سُنائے جان گے
سسکدے دل دوستو، کِداں ورائے جان گے
خون دی ہر بوند چوں ہونے نیں سِر پیدا کئی
ظالم ، تیتھو کدے نہ سِر مُکائے جان گے
ایس اُجاڑے دے نشاں بے شک مِٹا دے حاکما
پر دِلاں دے زخم نہ تیتھوں مِٹائے جان گے
موت منگے گا توں خود توبہ کریں گا جین توں
تیریاں ظلماں دے جد بدلے چُکائے جان گے
ایہہ اوہناں نوں آکھنا ہُن کنگ جی ساڈے ولوں
اِٹ جے چُکان گے تاں پتھر اُٹھائے جان گے
حوالہ: چونویاں غزلاں؛