حسن رضوی
سیّد حسن عباس رضوی دا تعلق امبالہ چڑھدے پنجاب توں سی۔ اردو وِچ ایم اے کرن توں بعد پنجاب یونیورسٹی لاہور توں ڈاکٹریٹ دی ڈگری حاصل کیتی۔ پیشے دے اعتبار نال صحافی تے استاد سن۔ فارمین کرسچن کالج وچ شعبہ اردو دے چئیرمین دے طور تے وی خدمات سرانجام دِتیاں۔ آپ نے اردو تے پنجابی دوہاں زباناں وچ شاعری کیتی تے بڑا عرصہ ٹی وی تے ریڈیو نال وی جُڑے رہے۔ آپ دیاں ادبی خدمات پاروں آپ نوں صدارتی ایوارڈ نال وی نوازیا گیا۔