اینے ہولے ہو گئے غیر نگاہواں وچ
اُڈ دے پئے آں ککھاں وانگ ہواواں وچ
جیہڑا باغ بہاراں وچ وی سُکیا اے
کیہ ہووے گا اُس دا حال خزاواں وچ
دنیا جوں جوں پوڑی چڑھے ترقی دی
رت دی لالی ودھدی ہور فضاواں وچ
رُکھاں اُتے برفاں جم کے رہ گئیاں
جد دا سورج گھریا ہویا گھٹاواں وچ
جیہڑے راہیاں منزل توں مُکھ موڑ لیا
عمر گزاری اوہناں رُلدیاں راہواں وچ
تسیں او جھلے جھل وللے شیدا جی
کیہڑی گل کر سکدے او داناواں وچ
حوالہ: موتی سوچ سمندر دے، صفحہ 97 ( ویکھو )
