کچ دیاں رہ ریتاں رکھو گے کدوں تیک بچا کے
بچے دیکھ رہے نیں سدھیاں چیزاں نوں الٹا کے
چڑھدے لیہندے ایسا کاروبار نہیں سی سُنیا
ویچ رہے ونجارے پوناں پنجریاں وچ پا کے
دُھپاں ہسی جان تہاڈی ایس سیانپ اُتے
ڈب کھڑبیاں چھاواں جوڑ رہے ہو میکھاں لا کے
سبھ رشتے ہی نرداں، بازی کون ہارنی چاہوندا
لوکیں میل ملاپ چ رکھدے نیں شطرنج وچھا کے
اکھاں وچ اوہ لشک نہیں جو پاسکدی کجھ تیڑاں
ہر واری مُڑ آؤندے ہو شیشے وچ عکس گوا کے
اکھر ہی آوازاں بن کے سدا سلامت رہندے
پتھر تاں ریتا ہو جاندے آخر آؤدھ ہنڈھا کے
حوالہ: اگر بتی؛ صفحہ 80 ( ویکھو )
