ہور تھاں ڈگی ہے بجلی، حادثہ تاں دُور ہویا
پر میرے اندر وی کِنا کجھ ہے چکنا چُور ہویا
خود نوں دھوکا دے کے وی میں بچ نہیں سکدا سی ناں ہی
سِر لکونا ریت وچ مینوں نہیں منظور ہویا
رات اِک ایسی وی آئی سی کہ میں رو وی نہ سکیا
برف سی خواباں چ پر ایہہ جسم سی تندور ہویا
توں اودوں کتھے سی جدوں میرا دل سی پُھل ورگا
توں اودوں آئیں جدوں ایہہ مہکدا ناسور ہویا
ویچنے دیوے اَتے اعتراض کرنا روشنی تے
رات دے سوداگراں دا ایہہ وی کیہ دستور ہویا
حوالہ: اگر بتی؛ صفحہ 39 ( ویکھو )
