تُساں سن سنتالی دا اُجاڑہ نہیں ویکھیا
مارشل لاء دے لِتّر وِی نہیں کھادے
تُسانہہ کیہ پتہ
اوکھائیاں کیہ ہوندیاں ہِن
ماراں کھان آلیاں دے مہاندرے کِنج دے ہوندے وَن
ماواں دیاں چُنّیاں تے پیوواں دیاں داڑھیاں
کیویں دھروکیاں ویندیاں ہِن
تُسانہہ کیہ پتہ؟
مارشل لاء دیاں لِتّراں نال
چم لتھدی اے کہ جُڑی رہندی اے
اُجاڑیاں وچ
کِس دا رب ڈاھڈا تے کینڈا لِسّاتھی ویندا اے
تے کیہڑے ویلے
کِس دی ماں دی دُعا قبول
تے کینڈی ردّ ہو ویندی اے
تُسانہہ کیہ پتہ؟
حوالہ: سیجل، سانجھ؛ صفحہ 112 ( ویکھو )
